नेपाल र भारतमा एकैदिन प्रदर्शनको तयारीमा रहेको फिल्म ‘प्रेमगीत ३’ को हिन्दी टिजर सार्वजनिक भएको छ ।
शनिबार सामाजिक सञ्जालमार्फत टिजर सार्वजनिक गरिएको हो । टिजरमा फिल्मका मुख्य पात्र प्रेम (प्रदीप खड्का) ले गीत वा राजगद्दीमध्ये एक रोज्नुपर्ने बाध्यता देखाइएको छ ।
एक मिनेट लामो टिजरमा धेरैजसो समय उनलाई नै देखाइएको छ । टिजरमा प्रेम र रोमान्सका दृश्यभन्दा द्वन्द्वलाई प्राथमिकता दिएको छ । फिल्ममा हिउँले भरिएको मुस्ताङको दृश्य समेटिएको छ ।
छेतेन गुरुङ र सन्तोष सेनले निर्देशन गरेको फिल्म नेपाल र भारतमा असोज ७ गते रिलिज गर्ने तयारी छ ।
फिल्ममा प्रदीपबाहेक कृष्टिना गुरुङ, शिव श्रेष्ठ, मनिष राउत, सुनिल थापा, लक्ष्मी बर्देवा आदिको भूमिका छ ।
