टोकियो । जापानका लागि नेपाली राजदूत प्रतिभा राणाले आफु जापानमा रहेका नेपालीहरुको चासो र समस्या समाधानका लागि केन्द्रीत हुने बताएकी छिन् । 
नवौं गणतन्त्र दिवसको अवसरमा जापानस्थित नेपाली दुतावासले आयोजना गरेको विशेष समारोहमा सम्बोधन गर्दै राजदूत राणाले जापानमा रहेका नेपाली समुदायको हित बाहेक आफुलेकेही नसोचेको बताइन् ।
राजदूत राणाले जापानमा रहेका सबै नेपाली नेपालका अवैतनिक दूत भएकाले नेपाल र नेपालीको हितलाई शिरमा राखेर कार्यक्षेत्रका खटिन पनि आग्रह गरिन् ।
राजदूत राणाले जापानमा नेपालीहरुको संख्या बढ्दै गएको बताउँदै नेपालीहरुको हर समस्या समाधानका लागि दूतावाससँग सबैले सहकार्य गर्नुपर्ने बताइन् । उनले आफ्नो कार्यकाल भित्र दुतावास भवन खरिद गरिसक्ने समेत कार्यक्रममा जानकारी दिइन् ।
