टोकियो ।
चीनले जापान र दक्षिण कोरियाली नागरिकहरुलाई भिसामा रोक लगाएको छ ।
कोरोना भाइरस तिब्र गतिमा फैलिरहेको र, त्यहाँका यात्रुहरूले धेरै देशहरूले लगाएको प्रतिबन्धको सामना गरिरहेको समयमा चिनले यस्तो कदम चालेको हो । चीनले दुवै देशका मानिसहरूलाई निश्चित भिसा जारी गर्न निलम्बन गरेको विभिन्न समाचार संस्थाहरुले उल्लेख गरेका छन् ।
जापानी विदेशमन्त्री हायासी योशिमासाले भनेका छन कि, “हामीले हाम्रो प्रवेश बिन्दुहरूमा उपायहरू लागू गर्दैछौं तर मानिसहरूको अन्तर्राष्ट्रिय प्रवाहलाई रोक्नको लागि हर सम्भव सावधानी अपनाउँदै छौं । यो अत्यन्तै खेदजनक छ कि, चीनले कोरोनाभाइरस बाहेक अन्य कारणहरूले भिसा जारी गर्न प्रतिबन्ध लगाएको छ ।
चीनले मंगलबार नयाँ प्रवेश प्रतिबन्धको घोषणा गरेको हो । चिनियाँ विदेश मन्त्रालयका प्रवक्ता वाङ वेनबिनले भने, “दुःखको कुरा, केही मुट्ठीभर देशहरूले विज्ञान, तथ्य र आफ्नो वास्तविक महामारीको अवस्थालाई बेवास्ता गर्दै चीनलाई लक्षित गरी भेदभावपूर्ण प्रवेश प्रतिबन्धका उपायहरू अपनाउने कुरामा जोड दिएका छन् । चीनले यसलाई दृढतापूर्वक अस्वीकार गर्दछ र पारस्परिक कदम चाल्ने छ ।
जापानले अब चीनका यात्रुहरूलाई प्रस्थान गर्नु अघि ७२ घण्टा भित्र नेगेटिभ कोभिड १९ परीक्षण परिणामको प्रमाण उपलब्ध गराउन आवश्यक पर्ने छ । प्रतिवन्धले बिहीबारदेखि मकाउबाट आउने मानिसहरूका लागि पनि यस्तै उपायहरू योजना गरिरहेको समाचारहरुमा उल्लेख छ ।
