जापान । उच्च आत्महत्या दरका बाबजुत पनि जापानका नागरिकहर आफ्नो जीवन सकारात्मक रुपमा जिइरहेका छन् ।
![](https://www.nepalsandesh.com/wp-content/uploads/2017/03/n-suicide-a-20170324-870x578.jpg)
जापानको स्वास्थ्य मन्त्रालयका अनुसार २१ हजार ८९७ मानिसले गत वर्ष आत्महत्या गरे । जुन आँकडा सन् २०११ को भन्दा ९ हजार कम हो ।
त्यसबेला ३० हजारले आत्महत्या गरेका थिए । गत वर्षको आत्महत्याको दर भने सन् १९९४ पछिकै कम हो । आत्महत्या गर्ने मध्ये १५ हजार १ सय २१ पुरुष र ६ हजार ७ सय ७६ महिला रहेका छन् ।
विज्ञहरुका अनुसार आत्महत्यामा कमी यसै कारणले आयो भन्ने अवस्था नरहेको जनाएका छन् । सरकारले आत्महत्यालाई गम्भीरताका साथ लिदैँ कमी ल्याउन केही पहल गरेको थियो । सन् २००६ देखि जागरुकता अभियान तथा धेरै ऋण लिने व्यवस्थालाई परिवर्तन गरेको थियो ।
यसलाई पनि आम रुपमा एक कारणको रुपमा लिइएको छ । सन् १९९८ मा आत्महत्या ३० हजार भन्दा बढी भएको थियो ।
जतिखेर जापानको अर्थतन्त्रमा मन्दी आएको थियो र जापानमा बेरोजगारीको दर समेत बढेको थियो । त्यो वर्ष प्रत्येक १० हजारमा २६ जनाले आत्महत्या गरेका थिए ।