जापान ।सन् २०२० को ओलम्पिक खेलको आयोजक जापानले आफ्नो संस्कृतिको प्रचारको लागि ब्राजिलको राजधानी रियो द जेनेरियोमा विशेष कार्यक्रमको आयोजना गरेको छ ।
जापानको संस्कृतिको प्रचारको लागि अहिले चलिरहेको रियो ओलम्पिक खेलकुदमा टोकियो क्याराभान प्रोजेक्ट तयार बनाईएको हो ।जापानी लेखक तथा नाटकार हिडेकी नोडाको निर्देशनमा तयार भएको सो प्रोजेक्टमा जापानी सिमाना, संस्कृति र एतिहासिक धरोहरहरुलाई समेटिएको छ ।
आउँदो बिहिवार त्यो प्रोजेक्ट सर्वसाधारणलाई देखाईने समेत भएको छ ।जापानी सिनेकर्मीहरु रिजिरो सुमारा र टोकियोका स्का प्याराडाईज ओर्केस्त्राहरुले स्थानीय कलाकारहरुको सहयोगमा बनाईएको सो प्रोजेक्टले जापानको विशेष प्रकारको सांस्कृतिक भाव दर्शाएको बताएका छन् ।
सो प्रोजेक्टको भिडियो देखाउने क्रममा सर्वसाधारणको उपस्थितिमा उनीहरुले कागज तथा कपडाको मद्दतले विभिन्न फूल तथा कागजका आकर्ष गरगहना बनाएर मनोरन्जन लिन सक्नेछन् ।
सिनेकर्मी नोडाले बताए अनुसार ब्राजिलका बासिन्दाहरुले सांस्कृतिक कार्यक्रमको भरपुर मनोरंजन लिन सक्नेछन् ।प्रोजेक्टको नाम नै क्याराभान दिए जस्तै जापानका सांस्कृतिक टोलीले ब्राजिलबाट नयाँ अनुभवहरु हासिल गरि जापानमा फर्किने बताएका छन् ।
