टोकियो – जापानमा अवैध रूपमा बसोबास गरिरहेका चार जना नेपाली नागरिकलाई यहाँको अध्यागमन विभागले पक्राउ गरी नेपाल फर्काएको छ।
उक्त व्यक्तिहरूमा काशीराम विक, सोहनबहादुर मगर, श्यामलाल लामा र पेमा वाङ्गेल शेर्पा रहेका छन्। उनीहरूलाई फरक-फरक वायुसेवा कम्पनीमार्फत नेपाल पठाइएको बताइएको छ।
अध्यागमन स्रोतका अनुसार, यो फिर्ती कारवाही गत हप्ता सम्पन्न गरिएको हो। यसअघि पनि जापानले यस्तै प्रक्रियामा सात जना नेपालीलाई देश निकाला गरिसकेको थियो।
