बाँकेको डुडुवा गाउँपालिका–६ आसमानपुरमा रहेको जयेन्दु बाल सुधार गृहमा झडप हुँदा १ जनाको मृत्यु भएको छ भने १० जना भएका छन् ।
सुधार गृहमा रहेकाहरूको दुई समूहबीच झडप हुँदा ११ जना घाइते भएका थिए । घाइतेमध्ये एक जनाको मृत्यु भएको हो ।
सुधार गृहका झ्यालका सिसा फुटाउँदै सुरक्षामा खटिएका प्रहरीमाथि पनि ढुङ्गा र इँटा प्रहार गरेपछि राति तनावपूर्ण अवस्था सृजना भएको थियो । अहिले प्रहरीले स्थितिलाई नियन्त्रणमा लिएको छ ।
बाल सुधारगृहमा तोडफोड र झडप भएपछि रातभर प्रहरी, प्रमुख जिल्ला अधिकारी लगायतको टोली सुरक्षा व्यवस्था मिलाउन खटिएको थियो । घटनाका बारेमा अनुसन्धान भइरहेको बाँके प्रहरीले जनाएको छ ।