जापानको कानागावा प्रिफेक्चरस्थित योकोहमा सहरको एक होटलमा एक युवती मृत फेला परेकी छन् ।
उनी ७ सेप्टेम्बरमा मृत अवस्थामा फेला परेको र उनीसँगै गएका पुरुष भने फरार रहेको जापानी सञ्चारमाध्यमले जनाएका छन् ।
घटनाको अनुसन्धानका क्रममा होटलमा सँगै प्रवेश गरेका युवक भने मृत्युको घटनाअघि नै एक्लै होटलबाट बाहिरिएको देखिएको अधिकारीहरुले जनाएका छन् ।
विशेष अनुसन्धान विभाग बनाएर ति युवकको खोजी तथा हत्या प्रकरणको छानबिन अघि बढाइएको छ ।
योकोहामाको मिनातोकिताकु सिनयोकोहमामा रहेको होटलमा ७ सेप्टेम्बरको साँझ साढे ६ बजेतिर एक युवतीको शव फेला परेको थियो ।
मृतक युवतीको अनुहार लगायतका स्थानमा चोटहरु भएको तथा पोस्टमार्टममा मेरुदण्डमा लागेको गम्भीर चोटका कारण मृत्यु भएको पुष्टि भएको बताइएको छ ।
