गैरआवासीय नेपाली संघ (एनआरएनए) राष्ट्रिय समन्वय परिषद् (एनआरएनए) जापानको अध्यक्षमा नविन निउरे विजयी भएका छन् ।
आइतबार अनलाइन प्रणालीबाट भएको मतदानमा निउरे तीन प्रतिस्पर्धीलाई हराउँदै सन् २०२३–२५ कार्यकालका लागि अध्यक्षमा विजयी भएका हुन् ।
एनआरएनए जापानको नयाँ नेतृत्व चयनका लागि पहिलोपटक अनलाइन मतदान प्रणाली ‘भेरो भोटिङ प्रणाली’ मार्फत मतदान भएको हो ।
निर्वाचन समितिका संयोजक डम्बरराज पौडेलले निर्वाचन परिणाम सार्वजनिक गर्दै निउरे अध्यक्षमा निर्वाचित भएको घोषणा गरे ।
अन्तिम नतिजाअनुसार निउरे २९ सय ५५ मत ल्याएर अध्यक्षमा विजयी भएका हुन् । यसैगरी निकटतम प्रतिद्वन्द्वी संगीता अधिकारी सुवेदीले १२ सय ३० मत, राजकुमार अधिकारी ८ सय ७७ र रामकृष्ण श्रेष्ठ ४ सय ९५ मत पाए ।
७ हजार १६८ मतदाता रहेकोमा ७६ प्रतिशत अर्थात् ५ हजार ४८ मत खसेको थियो । महासचिवमा श्यामकुमार श्रेष्ठ विजयी भए । उनले २ हजार ७८९ मत पाए भने उनका प्रतिस्पर्धी श्यामकुमार श्रेष्ठले २ हजार ६२६ मत पाए ।