अध्ययनका लागि जापान गएका एक नेपाली विद्यार्थीको मृत्यु भएको छ ।
विद्यार्थी भिसामा जापान आएर ओकिनवामा पढ्दै आएका खिम बुढामगरको मृत्यु भएको हो ।
गत कोरोना महामारीका कारण सीमामा प्रतिबन्धहरु खुकुलो पोरेपछि उनी जापान आएका थिए । उनको स्थायी घर दाङको तुल्सीपुर भएको बताइएको छ ।
उनी जापानी भाषा विद्यालयमा पढ्दै थिए । बुढामगर बस्दै आए必利勁 को होस्टेलमा मृत अवस्थामा भेटिएका हुन् ।
उनी आफैंले आत्महत्या गरेको जस्तो देखिएको बताइएको छ । बुढामगरको शव प्रहरीले लगेको छ भने उनको मृत्युबारे छानबिन भइरहेको छ ।
उनको पोष्ट मार्टमको रिपोर्ट आउन एक साता लाग्ने बताइएको छ । उनको मृत्युबारे नेपालस्थित उनका परिवारका सदस्यहरुलाई जानकारी गराइएको छ ।
परिवारको सल्लाहमा उनको अन्तिम संस्कार गरिनेछ । पछिल्लो समय जापानमा नेपालीहरुको मृत्युको घटनाहरु बढेका छन् ।
