जापानको नागानो प्रिफेक्चरमा हिम पहिरोमा पुरिएका दुई जनाको खोजी जारी छ ।
आइतबार २ हजार १०० मिटर अग्लो हिमालबाट हिम पहिरो खस्दा स्कि खेल्न गएका दुई जना विदेशी नागरिक बेपत्ता भएका थिए । नागानोका ओतारी गाउँको सुगाइके हिमाल रिसोर्टमा हिमपहिरो गएको हो ।
आइतबार स्काई खेलिरहेका विदेशीहरुको तीन समूह हिम पहिरोमा पुरिएका थिए । विदेशीहरुको तीन समूहमा १३ जना स्कि खेल्न गएका थिए ।
हिमपहिरोमा पुरिएका ११ जनाको सकुसल उद्धार गरिएको भएपनि २ जना बेपत्ता छन् । १३ जना मध्ये ५ जना हिमपहिरोमा पुरिएका थिए भने तीन जना भाग्न सफल भए ।
हिम पहिरोमा पुरिएकामध्ये एक जनाको हात भाँचिएको छ । आइतबार खराब मौसमका कारण प्रहरीले उद्दार कार्य सञ्चालन गर्न सकेनन् । केही दिनदेखिको भारी हिमपातका कारण अधिकारीहले हिमपहिरो खस्ने चेतावनी यसअघि नै जारी गरेका थिए ।
