जापानमा कोरोना भाइरसको संक्रमणबाट शनिबार एकैदिन ३४७ जनाको मृत्यु भएको छ । सोही अवधिमा १ लाख ३५ हजार ४२५ जना नयाँ संक्रमित भेटिएका छन् ।
पछिल्लो समयमा जापानमा कोरोना भाइरसका नयाँ संक्रमित भेटिने र मृत्यु हुने दर बढेको छ । जापानमा हाल १७ लाख ३८ हजार, ९४० जना सक्रिय संक्रमित रहेका छन् भने ५०६ जनाको अवस्था गम्भीर छ ।
जापानमा हालसम्म १ करोड, ९२ लाख, २८ हजार ८२ जनामा कोरोना पुष्टि भइसकेको छ भने ४० हजार ५४५ जनाको मृत्यु भइसकेको छ । जापान विश्वमा सर्वाधिक कोरोना संक्रमित हुने देशमध्ये १०औं नम्बरमा छ ।
