जापान । जापानमा अत्याधिक मात्रामा काम गर्नाले मर्नेको संख्या बढ्दै गएपछि महिनामा कति घण्टा मात्र काम गर्ने भन्ने विषयमा जापानमा बहस सुरु भएको छ ।
महिनामा १०० घण्टा मात्र ओभर टाईम काम गर्ने भन्ने नियमले पनि बढी काम गरेर र मर्नेहरुको संख्यामा खासै कमि नआएको देखिएको छ ।
पछिल्लो वर्ष महिनामा १०० घण्टा भन्दा बढी काम गर्ने युवाहरुले समेत आत्महत्या गरेको आंकडा सार्वजनिक भएको थियो ।
अत्याधिक कामका कारण मात्सुरी ताकाहासीको मृत्यु भएपछि राष्ट्रिय अखबारहरुमा सरकारको आलोचना सहितको समाचारहरु छापिएका थिए ।
छापाहरुमा सरकारले अत्याधिक कामका कारण मानिसहरु मर्ने गरेको अवस्थालाई सम्बोधन गर्न स्पष्ट योजना ल्याउन माग गरिएको थियो । त्यस लगत्तै प्रधानमन्त्री शिन्जो आवे नेतृत्वको प्यानलले अत्याधिक कामका कारण हुने मृत्युलाई घटाउन महिनामा १०० घण्टा मात्र काम गर्न पाउने योजना दिएको थियो ।
जापानको कन्जरभेटिभ पार्टीका नेताले जापानमा काम गर्ने तौर तरिका बदल्न पर्ने बताएका छन् । जापानका श्रम वकिलहरुको संगठनले महिनामा १०० घण्टा ओभरटाईम काम गर्न पाईने नियमलाई अशोभनीय र समर्थन गर्न नसकिने बताएको छ ।
उनीहरुले काममा सिमा तोक्दा अत्याधिक मात्रामा मृत्यु हुने गरेको श्रम वकिलहरुले बताएका छन् । अहिले जापानका काम गर्ने स्थानहरुमा पूर्ण रुपमा काम गर्ने कामदारहरुले हप्तामा ४० घण्टा सम्म काम गरिरहेका हुन्छन् । ओभरटाईम काम गर्नुलाई कामदारहरुको लगाव भएको हुनाले गरिएको बुझिन्छ ।
ओभरटाईम काम गर्ने कामदारहरु जापानी कम्पनीहरुमा बढी मात्रामा देखिए पनि जापानी कम्पनीहरुको मुनाफा अमेरिकी र युरोपियन कम्पनीहरुको तुलनामा कम देखिन्छ ।
महिनामा सय घण्टा भन्दा बढी काम गर्न पाउने नियमले जापानको व्यापार क्षेत्रमा हानि पुराउने भन्दै जापानी व्यापार युनियन रेङ्गोले महिनामा ४५ घण्टा भन्दा बढी ओभरटाईम काम गर्न दिन नहुने बताएको छ ।
सरकारले नै अत्याधिक काम गर्न पाउने नियम बनाईरहेको छ भने त्यसबाट मजदुर र कामदारहरुको स्वास्थ्यमा पर्न सक्ने असरलाई बुझ्ने निकाय को हुने भन्दै व्यापारी तथा बौद्दिक वृत्तमा आलोचना सुरु भएको छ ।
यस्तै हुने हो भने जापानमा विहान हुनु कति कामदारहरु जिउँदै होलान् भन्ने बहस जापानका छापाहरुमा गर्न थालिएको छ ।