टोकियो । टोयोटा कम्पनीका अधिकारीहरुले अमेरिकी राज्य केन्टमा रहेको आफ्नो कारखानाको अत्षधुनिकीकरणका लागि एक अर्ब ३० करोड लगानी गर्ने बताएका छन् ।
जापानी सवारी उत्पादक कम्पनीले यो योजना अमेरिकी राष्ट्रपति डोनाल्ड ट्रम्पको अमेरिका सर्वोपरि नीति प्रेरीत रहेको जनाएको छ ।
केन्टमा रहेको यो कम्पनी १९८० को दशकमा स्थापना भएको हो ।
यो टोयोटाको विश्वकै सबैभन्दा ठुलो कारखाना हो । यहाँ ८ हजार दुईसय बढीले काम गर्दछन् ।
ट्रम्पले जनवरीमा मेक्सीकोमा स्थापना गर्ने भनिएको टोयटा कम्पनीको कारखानाको विरोध गर्दै अमेरिकाकै कम्पनीलाई बलियो बनाउने आग्रह गरेका थिए ।
अमेरिकाको उक्त कम्पनीमा उत्पादीत सवारीहरु मेक्सीको लगायतका देशहरुमा निर्यात हुँदै आएको छ ।