सिउल । दक्षिण कोरियाले जापान सरकारले आफ्ना राजदुत फेरि पठाउने निर्णयको स्वागत गरेको छ । मंगलबार दक्षिण कोरियाको विदेश मन्त्रालयले विज्ञप्ती जारी गर्दै जापान सरकारको पछिल्लो कदमको स्वागत गरेको हो ।
जापानका विदेशमन्त्री फुमियो किशिदाले मंगलबारसम्म कोरिया पुगेर काम थाल्न आफ्ना राजदुत र महावाणिज्य दुतलाई निर्देशन दिएका थिए ।
कोरियाले राजदुतहरुले पुन पदभार ग्रहण गरेपछि सम्बन्धमा नयाँ आयाम आउने बताएको छ ।
कोरियाले अब आपसी विवाद समाधान गर्दै मिलेर अघि बढ्न आफुहरु तयार रहेको जनाएको छ ।
