जापान । जापानी प्रधानमन्त्री सिन्जो आबेले अमेरिकी राष्ट्रपति डोनल्ड ट्रम्पसँग फेब्रवरी १० तारिखमा वासिंटनमा भेटवार्त गर्ने भएका छन् ।
जापानी तथा अमेरिकी कार्यकारी प्रमुखहरुका बीच भेटवार्ता हुनेबारे दुवै देशका उच्च अधिकारीहरुले बताएका हुन् ।
सिएनएनका अनुसार आबेले टिपीपी सम्झौताबाट बाहिरिने ट्रम्पको घोषणालाई पुनःविचार गर्न आग्रह गर्ने तयारी गरेका छन् ।
दुई दिन अघि मात्र अमेरिका उक्त सम्झौताबाट बाहिरिने घोषणा भएको थियो । उक्त सम्झौतामा १२ देश सामेल छन् ।
दुई नेताहरुका बीचमा जापानी उत्पादनमाथि अमेरिकाले लगाउन लागेको करको दायराबारे पनि छलफल हुने छ ।
ट्रम्पले जापानी उत्पादनले अमेरिकी श्रमीकहरुलाई समस्या पारेकाले कर बढाइने बताउँदै आएका छन् ।
