टोक्यो ओलम्पिक खेलकुदको खर्च विवाद बुझ्न आईओसि अध्यक्ष जापानमा

जापान ।अन्तराष्ट्रिय ओलम्पिक कमिटिका (आईओसी)अध्यक्ष थोमस वाचले सन् २०२० मा टोक्योमा हुने ओलम्पिक खेलमा लाग्न सक्ने खर्च कम गराउन टोक्योका अधिकारीहरु संग मिलेर काम गर्न चाहेको बताएका छन् ।

जापानमा आयोजना हुने ओलम्पिक खेलका आयोजक कमिटि र गभर्नरमा हालसालै चुनिएकी कोईकिको विचमा ओलम्पिक खेलको रकम घटाउने विषयमा बढ्दै गएको विवादको विचमा वाच जापान आई पुगेका छन् ।

ओलम्पिक खर्चको विवादको विषयमा वाचले मिडियाको रिपोर्ट हेरेर जानकारी लिएको समेत बताएका छन् ।

टोक्यो महानगरीय सरकारले आन्तरिक अध्ययन गरिसकेपछि हामीले अन्य स्टेक होल्डरहरु संग पनि छलफल गर्नेछौ र मिडियामा आएको भन्दा धेरै मात्रामा ओलम्पिक खेल आयोजनाको रकम घट्ने कुरामा आफु विश्वस्त रहेको वाचले बताएका छन् ।

टोक्यो गभर्नर कोईकी संगको ४० मिनेट लामो छलफल पछी वाचले सो कुरा बताएका हुन् ।

गभर्नरमा निर्वाचित भएको केहि दिनमा नै ओलम्पिक खेलकुद आयोजनाको लागत मूल्य घटाउने कोईकीले घोषणा गरेकी थिईन् ।

 

यो खबर पढेर तपाईलाई कस्तो महसुस भयो ?