जापान। क्षेत्रीय मुद्दामा विचार विमर्श गर्नको लागि जापान चीन तथा दक्षिण कोरियाका विदेश मन्त्रीहरु विच बुधवार टोकियोमा वार्ता हुने भएको छ ।
जापानको विदेश मन्त्रालयले सोमवार त्यो विषयको बैठक बस्ने घोषणा गरेको हो । जापानका विदेश मन्त्री फुमिओ किशिदाले चीन र कोरियाका आफ्ना समकक्षीहरु संग मंगलवार सामुहिक भोजको कार्यक्रममा सरिक हुनेछन् ।
यो बैठकको कार्यसुचिमा उत्तर कोरियाको ब्यालिस्टिक मिसाइल परीक्षण तथा जापान, चीन तथा दक्षिण कोरियाको विचमा एउटा मुक्त व्यापार सन्धिसंग जोडिएको कुराहरुलाई वार्तामा छलफल गरिने बताईएको छ ।
तीन पक्ष नियमित रुपमा विदेश मन्त्री स्तरीय वार्ता गर्ने गर्छन् । पछिल्लो वार्ता पछिल्लो वर्ष मार्च महिनाको १६ तारिखमा आयोजना भएको थियो । किशिदा चीनका विदेश मन्त्री वाँग यी तथा दक्षिण कोरियाका विदेश मन्त्री युन ब्योंग से के संग अलग-अलग बैठक पनि गर्नेछन् ।
