टोकियो।जापानको हाईजिमा यूवा क्लवले प्रत्येक वर्ष फुटबल प्रतियोगिताका साथै BBQ पनि आयोजना गर्दै आईरहेको छ ।
गत वर्ष टोकियोको ओकुतामा आयोजना गरिएको BBQ जस्तै यस पटक पनि हैजिमा यूवा क्लवले हाईजिमाको रिभर साईडमा नै कार्यक्रमको आयोजना गरेको हुँदा टोकियोमा हुने सबै नेपालीहरुलाई अग्रिम निमन्त्रणा व्यक्त गरेको छ ।
गतवर्षको भन्दा यस वर्षको कार्यक्रम पृथक हुने कार्यक्रम आयोजकले बताएका छन् ।
कार्यक्रममा यूवाहरुले गितार, मादल लगायतका म्युजिकल बाजागाजा सहित सहभागीहरुलाई मनोरञ्जन प्रदान गर्ने जनाएका छन् ।
वार्षिक रुपमा गरिने यो कार्यक्रम यस वर्ष भने जुलाई महिनाको १० तारिख आईतवार १० बजे देखि ५ बजे सम्म सम्पन्न हुनेछ ।
यो कार्यक्रममा युवाहरुको विशेष सहभागिता हुने हुँदा कार्यक्रम तय भएको मितिमा अन्य कार्यक्रमको आयोजना नगरिदिन हाईजिमा यूवा क्लवका अध्यक्ष अखिल लामा र कोषाध्यक्ष राकेश रुम्बाले अनुरोध गरेका छन् ।
